Mirë se vini në blogun tonë, ku jemi të përkushtuar për një ndryshim pozitiv në jetën e kafshëve në Kosovë. Në këtë postim të parë duam të ndajmë me ju misionin tonë, vlerat dhe punën e palodhshme/jashtëzakonshme që bëjmë si një OJQ.
Misioni ynë është i thjeshtë por me rëndësi të madhe: të përkrahim dhe të vendosim standarde më të larta për mirëqenien e kafshëve brenda vendit.
Vlerat tona
Dashamirësia: Ne i qasemi secilit lloj të kafshëve me dashamirësi, empati dhe respekt. Ne besojmë në trajtimin e cdo kafsheje si një individ me vlerë që meriton kujdesin tonë.
Edukimi: Jemi të përkushtuar të përhapim njohuri dhe ndërgjegjësim për pronësinë përgjegjëse të kafshëve shtëpiake, rëndësinë e sterilizimit dhe mirëqenien e kafshëve në përgjithësi. Duke edukuar komunitetin ne synojmë të largojmë stigmat dhe të japim një koncept shembullor/të krijojmë shembull të duhur për mirëqenien e të gjitha kafshëve.
Puna jonë
Mbrojtja e kafshëve: Prioriteti ynë kryesor është të mbrojmë kafshët nga dhuna. Ne përkrahim pronësinë përgjegjëse të kafshëve, promovojmë adoptimin nga strehimoret dhe mbështesim iniciativat që parandalojnë keqtrajtimin e kafshëve. Ne duam të krijojmë një mjedis të sigurt dhe të dashur për të gjitha kafshët në Kosovë.
Informimi dhe Edukimi: Ne besojmë se dituria eshtë bazë kryesore kur vjen puna për mirëqenien e kafshëve. Blogu ynë do të ofrojë informacione të vlefshme për tema të ndryshme si: kujdesi i duhur për kafshët shtëpiake, rëndësia e vaksinimit dhe sterilizimit dhe standardizimi i fermave intenzive të blegtorisë.
Parandalimi i braktisjes së kafshëve:
Gjatë përpjekjeve tona për të parandaluar braktisjen e kafshëve, vëmë në dukje shumimin e përgjegjshëm dhe edukimin si pjesë të rëndësishme të procesit. Theksojmë gjithashtu rëndësinë e kujdesit të duhur ndaj kafshëve, pasojat e kujdesit të papërgjegjshëm, benefitet e adoptimit nga strehimoret për komunitetin dhe kontrollin e popullimit të qenve endacakë. Duke ofruar një mjedis të dashur dhe të qëndrueshëm, mund të parandalojmë braktisjen e qenve dhe të sigurojmë mirëqenien e tyre.
Përmes artikujve tanë, ne synojmë të ngrisim ndërgjegjësim, të ofrojmë informacione të vlefshme dhe të frymëzojmë një ndryshim pozitiv në jetën e kafshëve. Bashkohu me ne në këtë udhëtim dhe të punojmë së bashku për të krijuar një vend ku kafshët zhvillohen dhe trajtohen me dashamirësi dhe respekt.
Comentarios